matas

matas (紋面)

gaga na matas la’iy likuy ga, siki lama tkba’ kwara yow na gaga mluyak, kba’ cminun, mlahang gaga, mnwah mgaga uy ga ptasan la.

la’iy knerin mlahang sali’, kba’ momah, kba’ cminun lukus ro tmami tmmyan. ba’un naha kwara yow haca laga, ptasan naha la.

mlikuy ga ptasan lihuy ro yabay naha. knerin ga ptasan naha lihuy ro reyas naha. bi’an naha lalu na m’likuy baley ro lalu m’knerin baley la, ini ptasiy ga musa ssya’an cyoli’ naha la.